Fréttasafn
Félagsmiðstöð Landakotskóla með fulla aðild
Á aðalfundi Samfés (Landssamtök félagsmiðstöðva og ungmennahúsa á Íslandi) sem haldinn var fyrir helgi var aðild Kotasælu að samtökunum samþykkt með öllum greiddum atkvæðum.
Það þýðir að Kotasæla, félagsmiðstöð Landakotsskóla, getur tekið þátt í ýmsum viðburðum á vegum Samfés eins og t.d. Samfestingnum, rafíþróttamóti, danskeppni, söngvakeppni og fleiri viðburðum samtakanna.
Aðildin þýðir einnig að starfsfólk Kotasælu, hefur vettvang til að ræða þau mál sem á borð þeirra koma og eru þau oftar en ekki sameiginleg með öðrum félagsmiðstöðvum.
Aðild í Samfés er stórt skref fyrir félagsmiðstöðina, Landakotsskóla og miðstig og unglingastig skólans.
Það voru þau Ágúst Máni Hafþórsson og Silja Snædal Drífudóttir, sem tóku við aðildarvottorði Kotasælu fyrir hönd skólans.