|
5 ára bekkur í snjónum |
 |
|
Ekki eru allir á sama máli með snjóinn, en eitt er víst að nemendur í 5 ára bekk fagna honum vel. Það var svo gaman að kennarar og nemendur gleymdu sér úti í snjónum við að búa til risastóra snjóbolta og skemmtu allir sér konunglega. Sumir snjóboltarnir voru orðnir svo stórir að börnin áttu í stökustu vandræðum með að velta þeim og koma sér upp á þá, en létur það ekki á sig fá. Ef börnin mættu ráða myndi eflaust snjóa meira og meira.
Hér fyrir neðan má sjá krakkana úti í snjónum. Fleiri myndir má sjá í myndasafninu "Úti í snjónum" vinstra megin á síðunni.
 |
|
|
Úti að leika |
|
|
þriðjudagur, 24 janúar 2012 14:02 |
|
Í vor fara 9. og 10. bekkur í heimsókn til vinabekkja í Danmörku. Af því tilefni var ákveðið að taka myndir af veðrinu á Íslandi á mánaðar fresti þar til þau fara út. Fyrsta myndin var tekin í snjókomunni í morgun og má sjá hana hér fyrir neðan.
Kjöraðstæður voru til að leika í snjónum í morgun og nýttu nokkrir bekkir sér það til snjókallagerðar og ýmissa annarra leikja. Í myndasafninu "Úti í snjónum" vinstra megin á síðunni má sjá fleiri myndir af krökkunum.
4. bekkur
|
|
Nýi strákurinn |
|
|
Nemendur skólans fást við ýmis verkefni. Eitt þeirra er að semja ljóð og fengum við leyfi til að birta ljóð eftir Eimantas í 6. bekk. Ljóðið heitir Nýi strákurinn
NÝI STRÁKURINN
Ég þekki alla hér í dag
um það verður þetta lag.
Í bekkinn kom nýr strákur
í fýlu eins og snákur.
Við engan talaði hann
bara babblaði við kennarann.
Hann var slæmur í námi
og bjó aleinn í gámi.
Dag einn hleypur hann heim
þá losnar óvart ein reim.
Svo dettur hann á steini
og slasar sig á einu beini.
Höfundur: Eimantas 6. bekk |
|
Miðsvetrarpróf |
|
|
Miðsvetrarpróf verða vikuna 16. - 20. janúar.
Hjá unglingadeild eru prófin sem hér segir:
Mánudaginn 16. janúar: Íslenska kl. 9.10.
Þriðjudaginn 17. janúar: Danska kl. 9.10.
Miðvikudaginn 18. janúar: Náttúrufræði kl. 9.10 og spænska kl. 12.30.
Fimmtudaginn 19. janúar: Stærðfræði kl. 9.10.
Föstudaginn 20. janúar: Enska kl. 9.10 og samfélagsfræði kl 12.30.
Nemendur mæta á venjulegum tíma og geta undirbúið sig fyrir prófin sem hefjast kl. 9.10 og eru til 12.00, nema samfélagsfræðiprófið sem eingöngu 10. bekkur tekur kl. 12.30 og spænskuprófið hjá 9. bekk kl. 12.30. Nemendur fara heim að prófi loknu.
Próf á yngri stigum verða að mestu samhliða prófum í unglingadeild. |
|
Nemendur Landakotsskóla sigruðu í Brúnni |
|
|
Landakotsskóli tók þátt í BRÚNNI, samskiptaverkefni grunnskólanemenda sem læra dönsku, sænsku og norsku í skólum á Íslandi og íslenskra ungmenna sem búa á Norðurlöndunum.
Nemendur í 7., 8., 9. og 10. bekk tóku þátt í einföldum samskiptaverkefnum og unnu lokaverkefni sem skilað var í byrjun desember. Verkefnið var unnið á vegum Tungumálatorgs.
Það er ánægjulegt að segja frá því að Hugrún og Ragnheiður í 9. bekk sigruðu keppnina með verkefni sínu Tíska í gegnum árin/moden gennem årene. Kennari þeirra er Helga Birna Björnsdóttir.
Hægt er að skoða verkefnið þeirra hér.
|
|
|
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 36 |
