Fimmtudaginn 10. maí héldum við upp á Evrópudaginn í tengslum við Evrópusamstarfsverkefni skólans gegnum Comenius, “Knowing me, knowing you: making friends and sustaining nature”. Við töluðum við nemendur frá Írlandi, Tékklandi, Þýskalandi og Svíþjóð gegnum skype. Nemendur heilsuðu hver öðrum á sínu tungumáli, töldu upp að 10 og kvöddu. Við hlustuðum á írskt ljóð og nemendur úr 5 ára bekk og 1. bekk sungu lag fyrir írsku nemendurna. 

Hér er 4. bekkur búinn að leggja stofuna undir vinnu með villt dýr og búin að búa til umhverfi fyrir þau og dýrin sjálf.

Landakotsskóli er þáttakandi í Evrópusamstarfsverkefni á vegum Comenius ásamt Írlandi, Þýskalandi, Svíþjóð, Kýpur og Tékklandi. Í síðustu viku fóru Sölvi Sveinsson, Kristín Inga Hrafnsdóttir og Ólöf Jóhannsdóttir í heimsókn í Kapsalos grunnskólann á Kýpur. Kapsalos grunnskólinn er lítill, aðeins 6 bekkjardeildir í 1. - 3. bekk. Bekkir eru litlir 12- 18 nemendur og starfa 9 kennarar við skólann.

Skólinn er vel búinn tækjum og tólum og eru tölvur, skjávarpar og litprentarar í hverri stofu. Stofurnar eru skreyttar með verkum nemenda, þar eru landakort, fánar, tölustafir og myndir á veggjum. Vel var tekið á móti okkur, nemendur sýndu okkur skólann og við sátum nokkrar kennslustundir. Hér fyrir neðan má sjá myndir úr skólanum auk myndar af íslensku sendinefndinni.

5 ára bekkur er búinn að vera vinna með brumhnappa. Nemendur fóru heim með spurninguna hvað er brumhnappur? Þau komu svo í skólann og sögðu hverju þau komust að.